TS björgunarsett
Vörunúmer: 23G0109.2.1.1SIZ
Hin heilaga þrenna. Nauðsynlegur pakki fyrir alla, hvort sem þeir eru að stíga sín fyrstu skref í útivist í krefjandi aðstæðum og vilja réttan búnað með sér eða fyrir þá sem vilja uppfæra búnaðinn sinn. Lítið mál að pakka saman, er létt í burði og fer því vel í farangrinum og á frábæru verði. Ekki láta þennan frábæra pakka framhjá þér fara.
Innifalið í pakkanum er BCA Stealth 270 snjóflóðastöng, BCA Dozer 1 skófla og BCA Tracker S snjóflóðaýlir.
BCA Tracker S
Tracker S snjóflóðaýlirinn er einfaldur, hraður og traustur. Hann er með sömu eiginleika og Tracker 3 ýlirinn nema hann skiptir ekki sjálfkrafa yfir á sendingarham ef þú ert hreyfingarlaus og ekki er hægt að uppfæra hugbúnaðinn í honum.
Tveir möguleikar eru á ýlinum þegar leitað er að fleiri en einum aðila í snjóflóði. Þagga niður í merki (signal suppression, SS) þegar búið er að staðsetja fyrsta einstaklinginn og leita þá að þeim næsta. Hinn möguleikinn er að sjá stóru myndina (Big picture, BP), þá sýnir ýlirinn stefnu og fjarlægð merkjanna.
Stealth 270
Stealth 270 snjóflóðastöngin er fyrir almennt ferðafólk og er mest selda snjóflóðastöngin frá BCA. Stealth snjóflóðastangirnar eru með einföldustu og fljótvirkustu samsetningunni sem völ er á, bara eitt handtak. "Quick-Lock" kerfið sparar pláss og er fljótvirkasta kerfið á markaðnum.
Stealth snjóflóðastangirnar eru byggðar til að endast og spara dýrmætar sekúndur í björgun á einstaklingi sem lent hefur í snjóflóði.
BCA Dozer 1 skófla
Dozer 1T er með stækkanlegu skafti og sterku blaði sem er þægilegt að stíga á. Vönduð skófla fyrir skíða- og snjóbrettafólk sem vill áreiðanlega snjóflóðaskóflu sem er létt, meðfærileg en jafnframt auðveld í notkun.1/3 hluti skóflublaðsins er slétt, sem auðveldar til muna að gera veggi í snjóinn.